高雄 - 洗滌心靈的好地方 佛陀紀念館

佛光山係近年新落成高雄景點~ 距離高雄約 30-40mins 車程~ 我自己無宗教信仰~ 不過經常同香港旅客黎玩~ 係一個感覺好舒服好寧靜既地方~

顯示詳細地圖

閒時 Family Day 都會帶埋一家大細黎行下~ 有景可以影下相~ 有齋食下咁~ 其實佛光山有兩個景點~ 一個係佛光山~ 再要上少少~ 係真係會燒香拜神既地方~ 另一個係佛陀紀念館~ 一般我地都係行呢度~ 

佛陀紀念館入口

如果同行有長者或者行動不便既朋友~ 可以入去借輪椅~ 免費的~ 停車亦可以停比較近入口既停車場~ 要同門口守衛打個招呼~ 假日人潮比較多~ 但對我地香港人黎講真係九牛一毛~ 不過我都係鍾意平日黎~ 先感受到寧靜既氣氛~

紀念館入口大堂~

想食齋的話有兩個選擇~ 二樓有自助餐~ 質素一般~ 叫做過下癮食個齋~ 推薦大家食一樓 "漢來素食健康概念館"~ 食物質素同服務都非常好~ 假期去的話最好先 book 位~ 同場其他餐廳一律都係食齋~ 連 Starbucks 都要守規矩~ 只能齋飲齋食~ 

一聽到食齋好似好齋咁~ 其實選擇好多~ 仲幾好食添~

份量唔算好多~ 可以試多幾款~

上菜速度跟唔上香港人架喇~ 不過即叫即整~ 假期要 x2 啦~ 大家有心理準備~ 佛門清淨地~ 唔好大開殺戒呀~ 哈哈~

慢慢食~ 嘆杯茶先入去行~ 我地四個成人食左 NT$1000 左右~ 酒店級水準算好實惠~ 

食飽可以正式入去行下~ 環境氣氛真係好舒服~

鍾意影相既黎到亦唔會悶~ 

我非常欣賞佛陀紀念館~ 因為我想搵香油桶都好難~ 呢個算係最明顯~ 

紀念館內亦無香火~ 真係單純參觀~ 值得黎睇下既地方~ 好過黎台灣死命地一直行夜市~ 其實夜市個個都差唔多~ 

裡面展區好多~ 空間亦夠大~ 設備齊備~ 一家大細黎到都唔洗慌~ 洗手間企理~ 有電梯俾老弱~ 規劃得好周全~ 職員亦好 nice~ 仲有識講廣東話既添~ 有部份展區要就時間睇~ 可以先到服務台了解下點行先順~ 總括黎計~ 無論有無宗教信仰~ 佛陀紀念館都係 Family Day 既好地方~ 如果大家真係想上香拜神~ 就要到佛光山~ 其實響隔離~ 希望有多個景點俾大家選擇~ 玩得開心 d~

艾笠墾丁 2 - 40人專業台灣包車服務, 免費行程安排, 可指定香港人導遊

HK Tel : 81700438

Email : info@iLoveKenting.com

Web : www.iLoveKenting.com

Facebook : http://www.facebook.com/iLovekentingHK